4.15. பகிர்வுகளை தானாக உருவாக்குதல்

பகிர்வுகளை தானாக உருவாக்குவதன் மூலம் உங்கள் கணினியில் நீக்கப்பட்ட தகவல்களை கட்டுப்படுத்த முடியும். உங்கள் தேர்வுகள்:

• இந்த கணினியில் உள்ள அனைத்து லினக்ஸ் பகிர்வுகளையும் நீக்கவும் — லினக்ஸ் பகிர்வை மட்டும் நீக்க இந்த தேர்வை பயன்படுத்தவும் (இதற்கு முன் நிறுவிய லினக்ஸால் உருவாக்கப்பட்ட பகிர்வுகள்). இது உங்கள் வன்தகட்டில் உள்ள மற்ற பகிர்வுகளை நீக்காது. (அதாவது VFAT அல்லது FAT32 பகிர்வுகள்) .

• இந்த கணினியில் உள்ள அனைத்து பகிர்வுகளையும் நீக்கவும் — உங்கள் வன்தகட்டில் உள்ள அனைத்து பகிர்வுகளையும் நீக்க இந்த தேர்வை பயன்படுத்தவும்.( மற்ற இயங்கு தளங்களால் உருவாக்கப்பட்ட பகிர்வுகளும் இதில் அடங்கும் அதாவது வின்டோஸ் VFAT அல்லது NTFS பகிர்வுகள் ).

  	எச்சரிக்கை
  	இந்த தேர்வை பயன்படுத்தினால் உங்கள் வன்தகட்டில் உள்ள அனைத்து தகவல்களும் நீக்கப்படும். வன்தகட்டில் பாதுகாக்கப்படவேண்டிய தகவல் ஏதாவது இருந்தால் Red Hat Enterprise Linux. ஐ் நிறுவும் போது இந்த தேர்வை பயன்படுத்த வேண்டாம்.

• ஏற்கெனவே உள்ள பகிர்வுகளை அப்படியே வைத்துக்கொண்டு காலியாக உள்ள பகிர்வை பயன்படுத்தவும் — உங்கள் கணினியில் காலி இடம் இருந்தால் ஏற்கெனவே உள்ள பகிர்வு மற்றும் தகவல்களை அழிக்காமல் இருக்க இந்த தேர்வை பயன்படுத்தவும்.

சுட்டியை பயன்படுத்தி Red Hat Enterprise Linux ஐ நிறுவ வேண்டிய இடத்தை தேர்வு செய்யவும். இரண்டு அல்லது அதற்கு மேற்பட்ட வன்தகடுகள் இருந்தால் எந்த வன்தகட்டில் நிறுவ வேண்டும் என்பதை தேர்வு செய்யவும். பத்திரப்படுத்த வேண்டிய தகவல்கள் உள்ள பகிர்வுகளை தேர்வு செய்ய வேண்டாம்.

	குறிப்பு
	நிறுவலை துவங்கும் முன் உங்கள் கணினியில் உள்ள தகவல்களை காப்பு எடுத்துக்கொள்வது நல்லது. உதாரணமாக உங்கள் கணினியை நீங்கள் இருநிலை துவக்கத்துக்காக மேம்படுத்த விரும்பினால் கணினியில் உள்ள தகவல்களை காப்பு எடுத்துக்கொள்ளவும். இல்லையெனில் சில சமயம் தவறு ஏதேனும் நேர்ந்து தகவல் இழப்பு நேரிடலாம்.

எச்சரிக்கை

உங்களிடம் RAID அட்டை இருந்தால், சில BIOSes கள் RAID அட்டையிலிருந்து துவங்க ஆதரவு தராது. இது போன்ற நேரங்களில் /boot/ பகிர்வை RAID அரே வுக்கு வெளியில் தனி வன்தகட்டில் உருவாக்க வேண்டும். சிக்கலான RAID அட்டைகளை பயன்படுத்தும் போது உள் வன்தகட்டை பயன்படுத்த வேண்டும். மென்பொருள் RAID பகிர்வை உருவாக்கவும் /boot/ தேவை நீங்கள் தானாக பகிர்வுகளை உருவாக்குவதற்கான தேர்வை பயன்படுத்தி இருந்தால் மீள்பார்வை இடு பட்டனை க்ளிக் செய்து /boot/ இல் தேவையான திருத்தங்கள் செய்யவும்.

தானாக பகிர்வுகளை உருவாக்கிய போது ஏற்பட்ட பகிர்வுகளில் தேவையான திருத்தங்கள் செய்ய மீள்பார்வை இடு ஐ தேர்வு செய்யவும்.மீள்பார்வை இடு வை தேர்வு செய்த பின் அடுத்து என்பதை க்ளிக் செய்தால் வட்டுகளில் வரிசை தோன்றும். பகிர்வுகளில் தேவையான மாற்றங்களை செய்துகொள்ளலாம்.

தேர்வு செய்தல் முடிந்த பின் அடுத்து என்பதை க்ளிக் செய்யவும்